Barbanza, por Certo: A Pobra do Caramiñal: mámoas arrasadas en Moldes

20.1.10

A Pobra do Caramiñal: mámoas arrasadas en Moldes

A modo de vándalos , os fragueiros irrompen nos sacros piñeirais profanando as “célticas mámoas” como Valle-Inclán lles chamaba.

Os rústicos ignoran onde poñen os pés, e por tal motivo, non cometen sacrilexio ó cabalgar coas máquinas por riba da tombas dos seus antepasados remotos.

Son ignorantes. Van ao seu.

Os que cometen o pecado de violación e profanación son os responsables municipais pola ineptitude de non ter inventariadas e sinaladas as necrópoles megalíticas das súas toutas. E no caso de que algún ás teña, a ineficacia da norma, — como sempre— deixa sen efecto tal inventariado.

Como observarán nas fotos, o asilvestrado furacán das máquinas de ferro que pasou por Campos Doces, en Moldes, arrasou cos nobres piñeirais e cabalgou por enriba dos milenarios mausoleos sen que as motoserras, tratoristas , fragueiros e Alcaldes ou concellais de cultura, botasen un réquiem pola alma dos seus prehistóricos defuntiños.

De non botar man destes vestixios, cando cheguen as vandálicas niveladoras para o “macropolígono” Ribeira-Pobra, levarán consigo gran parte das referencias históricas deste apéndice barbanzán. Gloria e desgraza destes gloriosos días, onde a calidade intelectual dos rexedores e séquitos acompañantes, — encargados de empurrar o nivel cívico e cultural dos seus rabaños—, merecen a nota do “enchufado”.

Domingo Regueira

Nota: Neste caso —aínda que está na divisoria Ribeira A Pobra—, o territorio onde se atopan as mámoas maltratadas, pertence á Pobra do Caramiñal.

Relacionado: A pedra de Bullosa, abandono en Boiro

O templo da Granxa, en Oleiros, Ribeira, desaparecido

Entrevista relacionada: "Os que máis patrimonio destrúen son as administracións públicas", aquí

Artigo relacionado: Arqueoneixón aborda os problemas do turismo arqueolóxico na Barbanza, aquí