Noia: convocan unha nova edición do concurso de fotos "Se eu podo, ti tamén"

Octavilla V Concuros Fotos.pdf Download this file

Noia, 10 de febreiro de 2012. Con motivo da celebración o vindeiro día 8 de marzo, “Día Internacional das Mulleres”,  a Concellería de Igualdade e Benestar do Concello de Noia, a través do Centro de Información á Muller (CIM) convoca o V CONCURSO FOTOGRÁFICO    “SE EU PODO, TI TAMÉN“. 

RESUMEN DAS BASES

-TEMÁTICA DAS FOTOGRAFÍAS

   As fotografías deberán tratar sobre a corresponsabilidade de homes e mulleres no espazo público, privado e/ou doméstico. Nelas poderán aparecer tanto persoas do sexo masculino como feminino, ou calquera outra imaxe que reflicta o espírito do concurso.

   O xurado resérvase o dereito de aceptación das obras segundo se axeiten ou non á temática requerida.

   As fotografías presentadas deberán ser inéditas, e non se aceptarán as que foran seleccionadas noutro concurso ou certame. As imaxes deberán ser orixinais, non se admitirá ningunha fotografía con dereitos de propiedade intelectual que non pertenzan integramente e sen excepción ao propio participante.

- PARTICIPANTES

   Poderán  participar no concurso todas aquelas persoas afeccionadas interesadas que o desexen.

-PRESENTACIÓN DAS FOTOGRAFÍAS

   A participación no concurso é gratuíta e realizarase mediante a presentación dun sobre dirixido ao Centro de Información á Muller do Concello de Noia (CIM), edificio de Servizos Sociais, ubicado na Rúa do Curro, nº 4, coa inscrición: V CONCURSO FOTOGRÁFICO “SE EU PODO TI TAMÉN”.

   Únicamente se admitirá un máximo de catro fotografías por participante.

   Dentro do sobre deberán estar presentes tres  elementos:

1. A fotografía presentada a concurso.
2. Un CD ou DVD que conteña a fotografía que se presenta.
3. Instancia na que aparezan os seguintes datos do participante: nome e apelidos, número do documento de identidade, dirección e datos de contacto (teléfono e/ou correo electrónico) e título da fotografía.
   

-REQUISITOS TÉCNICOS

   A medida máxima das fotografías será  de 50x 70 cm e presentaranse en cartón pluma.

   As imaxes presentadas en CD ou DVD deberán estar en formato JPG ou JPEG, cunha resolución  superior a   2048 X1536 píxeles.

   A técnica usada será libre, en branco e negro ou cor, e cos retoques que o autor/a estime necesarios para transmitir o obxectivo do concurso.

- PRAZO DE PRESENTACIÓN DAS FOTOGRAFÍAS

   O prazo de recepción das fotografías estará aberto ata as 14:00 horas do 5 de marzo de 2012.

- PREMIOS

   Concederanse tres premios ás tres mellores fotografías:

1º premio dotado cunha cantidade de……………  300 €.

2º premio dotado cunha cantidade de……………. 200 €

3º premio dotado cunha cantidade de……………  100 €

   *O contido completo das bases poderase consultar nos taboleiros de anuncios do Concello de Noia e no edificio onde se ubica o CIM

Pode que tamén lle interese:

• Literatura: certame de cartas de amor de Radio Fene. Bases

• Literatura: certame de relatos sobre lendas da Barbanza. Prazo ata o 5 de marzo

• Certame de relatos: do Liceo de Noia. 1.000 euros de premio

Posted via email from Certo.gl, o xornal dixital de Barbanza e Noia