10.4.12

Noia: a Feira Cabalar do San Marcos contará cunha proba puntuable para a Copa Galicia de Pura Raza Galega

Media_httpfarm4static_ckgec

Noia, 10 de abril de 2012. A asociación "Pura Raza Cabalo Galego" chegou a un acordo co Concello de Noia, a través da concellería de Cultura e Festexos que dirixe Javier Rodríguez Vieites, para que o vindeiro 25 de abril -mércores-, dentro do programa oficial das festas e feiras do San Marcos, se celebre unha proba morfolóxica de eguas e cabalos de pura raza galega que puntuará para a Copa Galicia desta especialidade.

Os équidos participantes deberán ser maiores de tres anos e estaren inscritos no rexistro xenealóxico da raza galega equina. A competición comezou o pasado 8 de abril na Pascua de Padrón e vai continuar por dez feiras máis, repartidas por toda Galicia. O concurso morfolóxico está dirixido por Xacobe Pérez Paz, que é o director técnico da mesa de concursos. De secretario fará José Ramón Abel Prado e o único xuíz desta proba será Joaquín González Troncoso, xuíz titulado da raza galega e presidente da comisión de actividades rurais da Federación Hípica Galega.

As probas van ter lugar no novo recinto feiral acondicionado nas proximidades do campo de fútbol. A asociación "Pura RAza CAbalo Galego" louva a "decidida aposta do Concello de Noia pola potenciación da raza autóctona cabalar de Galicia, e a súa posta en valor na Feira de San Marcos, verdadeiro motor impulsor do resto de celebracións que ese día se fan en Noia". Ademais, insta e anima a todos os gandeiros, criadores e propietarios de equinos a que acudan á cita do San Marcos, con toda a documentación sanitaria e identificativa dos seus animais en vigor, para un normal control e bo discurrir da cita gandeira.  


Posted via email from Certo.gl, o xornal dixital de Barbanza e Noia

No hay comentarios:

Twitter

Related Posts with Thumbnails Banner: Regale selva tropical