Boiro: a asociación Aturuxo, á que lle queren pechar o local, quere entrevistarse co alcalde

Boiro, 30 de maio de 2012. A asociación cultural Aturuxo!, ante a intención do Concello de Boiro, gobernado polo Partido Popular, de pechar o local social que
xestiona na rúa Principal quere aclarar unha serie de feitos que lles parecen de
relevancia e detallan hoxe en nota de prensa.

"A cronoloxía dos feitos é a seguinte: o sábado 19 de Maio fáisenos entrega no local social de Aturuxo (R/ Principal nº118, Boiro) por parte da Policia Local dun "expediente urbanístico" no que se nos esixe a "reposición de legalidade" nun prazo de 15 días, caso contrario procederán á suspensión da actividade que
se leva no local. A licenza, que propoñen como válida, é a de CAFE - CONCERTO, unha licenza comercial á que non podemos acceder, pois somos unha asociación sen ánimo de lucro", comezan explicando.

Desde Aturuxo manifestan que:
"1º O local social da nosa asociación está legalizado na Conselleria de Xustiza, así vén recollido nos Estatutos da Asociación, neles explicítase que no local social o colectivo desenrolará todo tipo de actividades (concertos, charlas, obradoiros, monólogos, obras de teatro, proxeccións, etc) encamiñadas a promoción da lingua e cultura galegas.

2º Somos unha entidade sen ánimo de lucro, na que se organizan dúcias de persoas do noso concello e comarca e no noso local social reúnense centos de persoas cada semana. O local finánciase coa achega das socias e socios, nunca pedimos ningunha subvención, nen axuda das administracións.

3º O Concello de Boiro ten a obriga de non obstaculizar o devenvolvemento das nosas actividades. En novembro do pasado ano xa se nos impideu facer o Magosto Popular, pois esixíase unha fianza de 300€.

4º O intento de peche do local social é un retroceso inasumible para o movemento asociativo do noso Concello e Comarca, encamiñamos ao Concello de Boiro a retirar este expediente e abrir canles de comunicación coa nosa asociación. Desde Aturuxo, solicitouse o Martes 29 de Maio unha reunión co
Alcalde da Corporación, ainda non tivemos resposta.

5º Desde a asociación cultural Aturuxo adiantamos que non imos renunciar a contar cun espazo no noso Concello, a veciñanza de Boiro non pode asumir que nos rouben un espazo de encontro e cultura.

6º Desde que o Luns 28 de Maio que se iniciou unha recollida de sinaturas por internet lévanse xuntado máis de 500, o que vén a demostrar o importante apoio co que Aturuxo conta no Concello e Comarca. Para rematar queremos agradecer os centos de correos electrónicos e ás ducias de bandas, grupos de teatro, asociacións, veciñas e veciños que se teñen ofrecido a colaborar con nós e entre todas/os parar o peche de Aturuxo".

ATURUXO NON SE PECHA!
A CULTURA NON SE PECHA!
--------------------------------------------
web: www.aturuxa.blogspot.com

CROQUES: Bankia, a endogamia do PP perfectoconde.blogspot.com/2012/05/bankia… A 1ª revista de humor dixital en galego é Enchufados.eu: estes son enchufados.pp

— Certo (@Certo) May 30, 2012

LO MEJOR ES QUE MIREMOS TODOSHACIA ADELANTE PARA QUE NOS PUEDAN ROBAR LA CARTERA SIN PROBLEMAS.

— masaenfurecida (@masaenfurecida) May 30, 2012

Venres 1, ás 19:00 horas, presentan a PLATAFORMA DE AFECTADOS POR LA HIPOTECA "STOP DESAHUCIOS" do Barbanza. Liceo Marítimo de Ribeira.

— Certo (@Certo) May 30, 2012

Boiro: no Curota Sound deste venres 1 de xuño enfróntanse Lizard Crash e The Lakazáns e actúa como convidado Zënzar post.ly/7XxPv

— Certo (@Certo) May 30, 2012

Posted via email from Certo.gl, o xornal dixital de Barbanza e Noia