28.5.12

Ribeira: o venres 1 de xuño preséntase de xeito oficial "Riveira Atlántica 2015"

  • Por outra banda, sóubose que 68 empresas se presentaron para executar os saneamentos de Reiriz e Olveira e só unha para xestionar o matadoiro

[[posterous-content:pid___0]]
 

  • Cun orzamento total de máis de 7 millóns de euros e cofinanciado nun 70% polo Fondo Europeo de Densenvolvemento Rexional, dentro do Eixo 5. Desenvolvemento Rural e Urbano do P.O FEDER 2007-2013  o estudo contempla un total de oito actuacións de mellora de diferentes puntos considerados estratéxicos para o desenvolvemento socio-económico do concello de Ribeira:


-          Construción dun novo mercado municipal e actividades complementarias

-          Plan de mobilidade e accesibilidade da área portuaria

-          Paseo marítimo-terrestre da beira litoral de Ribeira

-          Recuperación e interpretación do complexo mar-industria de Area Secada

-          Recuperación integral do Río Arlés

-          Creación dun centro social e de ocio saudable en Oleiros

-          Web-gis turístico patrimonial

-          Rede de miradoiros e vías paisaxísticas de Ribeira

 http://farm8.staticflickr.com/7237/7240565196_6ea2cfea1b_z.jpg

  • Dentro das actuacións, figura como obra mestra a construción do novo mercado municipal, unha praza de abastos intelixente á vangarda no aproveitamento enerxético e no uso das TIC que impulsará a actividade comercial do sector da alimentación. 

Media_httpfarm6static_wwaid

  • O acondicionamento do río Arlés e a mellora da súa contorna é outra das pezas fundamentais do Plan Riveira Atlántica. A recuperación da súa riqueza ambiental pasa pola creación dun itinerario turístico fluvial, dun parque biosaudable e da restauración de núcleos tradicionais á beira do río.

 

  • Coincidindo coa presentación oficial, constituirase a Comisión Estratéxica do Proxecto, que velará polo adecuado cumprimento do estudo e que estará integrada, ademais de pola xunta de voceiros e concelleiros implicados, polos seguintes organismos públicos:


-          Augas de Galicia

-          Costas de Galicia

-          Portos de Galicia

-          Dirección Xeral de Conservación da Natureza

-          Instituto de Estudios do Territorio

Desembarco de conselleiros

  • O acto de inauguración, ao que están convidados todos os veciños da comarca, estará presidido polo conselleiro de Economía e Industria da Xunta de Galicia, Javier Guerra. Terá lugar o vindeiro venres, 1 de xuño, ás 19.30 horas, no auditorio municipal de Ribeira, e contará ademais coa presenza dos conselleiros de Economía e Industria, Javier Guerra, e Medio Ambiente, Territorio e Infraestruturas, Agustín Hernández; e do rexedor local, Manuel Ruiz, entre outras autoridades do ámbito local e autonómico.
  • Media hora antes do acto de presentación pública, Javier Guerra e Manuel Ruiz terán ocasión de asinar o convenio de colaboración en virtude do cal o Concello de Riveira vai recibir repartidos en tres anualidades un total de 900.000 euros da Consellería de Economía e Industria para apoiar a construción do novo mercado.


Posted via email from Certo.gl, o xornal dixital de Barbanza e Noia

No hay comentarios:

Twitter

Related Posts with Thumbnails Banner: Regale selva tropical