- O prazo para anotarse vai do mércores 13 ao mércores 27 de xuño
Dodro, 6 de xuño de 2012. A Concellería de Xuventude e Familia do Concello de Dodro organiza o programa "Reforzo Educativo de Verán" para o alumnado de 3º e 4º da ESO.
A través deste programa “Reforzo Educativo de Verán”, subvencionado en parte pola Consellería de Cultura, Educación e Ordenación Universitaria da Xunta de Galicia, pretenden apoiar a aquelas/es alumnas/os que teñan certas dificultades académicas, co risco de non cumprir cos obxectivos mínimos esixidos para acadar o título de graduado en ESO.
As actividades que se van levar a cabo son:
-
Clases de recuperación de materias pendentes con profesorado especializado.
-
Preparación para os exames de recuperación de setembro.
-
Charla de orientación e asesoramento as/os nais/pais ou titores.
-
Horario de titoría para o alumnado e as familias.
-
Talleres de habilidades sociais, dinámicas de grupo e técnicas de estudo.
-
Sesión de cine-forum.
Este servizo impartirase nas instalación do CPI Eusebio Lorenzo Baleirón, dende o 2 de xullo ata o 31 de agosto, os luns, mércores e venres de 9 h a 13 h.
O prazo de inscrición é do 13 ao 27 de xuño na Casa da Cultura en horario de 9h a 14 h e de 16 h a 19 h. O Concello de Dodro oferta gratuitamente este programa de reforzo educativo co ánimo de previr e reducir o abandono escolar.
Antes, en Certo:
- Día da Bicicleta: estes foron os galardonados
- Obradoiros: rematou o de memoria con diplomas e viaxe
- Escola de Verán: para conciliar a vida familiar e laboral
Posted via email from Certo.gl, o xornal dixital de Barbanza e Noia
No hay comentarios:
Publicar un comentario