A Pobra: o Concello segue a esquecer no desleixo a praia da Corna

A Pobra do Caramiñal, 17 de agosto de 2012. Logo do mal tempo reinante días atrás as praias de moitas zonas de Barbanza, incluída A Pobra, quedaron cheas de argazo. "Namentres noutros Concellos se afanan por retirar estas algas, A Pobra do Caramiñal é un municipio de interese turístico, tal e como reza nos membretes dos documentos do concello e que conta con persoal para a limpeza de praias,  pero a praia da Corna está totalmente esquecida por este equipo de goberno", denuncian dende o Psoe.

O goberno de Maceiras funciona a golpe de denuncias

"Ben é certo que o día 15 se acumulaban toneladas de residuos neste lugar pero que preferimos darlle un tempo aos responsables municipais para que acometeran a limpeza.Pois ben, neste concello funcionan a golpe de denuncias: hoxe é día 17 de agosto e acumúlanse no areal os residuos de todos estes días e para que esta praia poida ser utilizada por residentes e turistas, precísase que algún medio se faga eco", sinala a portavoz do Psoe, Teresa García.

A socialista argumenta que "estamos en plena temporada estival e se fan iniciativas para que os turistas veñan ao noso pobo. A praia da Corna acoden multitude de persoas que visto o seu estado teñen que darse a volta, o mellor para non volver nunca máis polo noso pobo. Na festa do marisco, na inauguración, o Alcalde dicía textualmente: “A crise ten que ser alegre e sáese dela facendo festa”, como se observa e escoita en Youtube:

 

Pero non podemos dedicarnos soamente á festa: a responsabilidade dos que nos gobernan deben primar sobre calquera acto lúdico, e como hoxe tamén van estar ocupados co pregón e inicio das festas do Carmen dos Pincheiros, sería estupendo para o pobo que miraran un pouco máis lonxe que o estritamente urbano. Inaugurar festas e poñer plantas nos xardíns non é a única responsabilidade dos que nos gobernan. A praia da Corna tamén existe", remata.

modo @certoenfurecido TANTA FESTA DO MARISCO NA POBRA E NON VIMOS A ISAAC MACEIRAS VESTIDO DE NÉCORA NIN AOS SEUS CONCELLEIROS DE GAMBAS eló

— Certo (@Certo) August 14, 2012

• A Pobra: o Campo do Cadreche, 700.000 investidos e no desleixo, denuncia o Psoe

• A Pobra do Caramiñal: do 17 ao 20 de agosto, Carme dos Pincheiros

See the full gallery on Posterous

Posted via email from Certo.gl, o xornal dixital de Barbanza e Noia