Barbanza: "Stop Desahucios" acadou xa 700 sinaturas para iniciativa lexislativa coa fin de evitar que hipotecados queden sen vivenda

• A Plataforma está concentrada en que se eviten tres desafiuzamentos de familias desta comarca agora mesmo
  

O 1 de xullo fíxose a presentación oficial desta plataforma en Ribeira

Barbanza, 17 de agosto de 2012. Máis de 700 sinaturas en apenas cinco días foron recollidas pola plataforma "Stop Desahucios" de Barbanza para a presentación dunha Iniciativa Lexislativa Popular, no Congreso dos Deputados, para que se modifique a Lei Hipotecaria coa fin de regular a dación en pago e adoptar as medidas necesarias para evitar desafiuzamentos por motivos económicos.

Segundo datos do Consello Xeral do Poder Xudicial, hai previsións de que entre 2011 e 2.012 poderían chegar a 500.000 execucións hipotecarias, a maioría das cales corresponderían a familias humildes. 

A citada Plataforma, constituída hai escasos meses en Barbanza,  está a traballar para evitar execucións hipotecarias en concreto de tres familias desta comarca, a través da negociación coas entidades financieras e poder esquivar a inxustiza que supón todo desaloxo cando, por parte dos responsables políticos, teríase que acatar a Constitución que considera a vivenda habitual como Dereito Fundamental, independentemente da condición económica dos cidadáns, como ocorre noutros países do noso arredor como Alemania, Noruega, Suiza e incluso nos EE.UU de Norteamérica.

Os membros da Plataforma continuarán coa recollda de sinaturas ata finais do próximo mes de setembro.    

   

Posted via email from Certo.gl, o xornal dixital de Barbanza e Noia