18.3.13

Ribeira: o castiñeiro, protagonista no Día da Árbore que arredor de 300 escolares celebran este xoves 21 de marzo


O castiñeiro xa abondaba en Galicia antes de que chegaran os romanos, pero foron estes quen máis o estenderon

Ribeira, 18 de marzo de 2013.- Un ano máis o Concello, con motivo da celebración do “Día da Árbore”, e coa vontade de colaborar na educación ambiental dos escolares, organiza unha visita didáctica e de plantación de árbores autóctonas ao Parque Periurbano de San Roque (Frións) para o vindeiro día 21 de marzo.

Un total de 10 centros de ensino con 300 alumnos de terceiro de primaria acudirán cos seus mestres a este evento organizado polo Concello de Ribeira a través das Áreas Municipais de Educación e Medio Ambiente, e que incluirá a plantación dun castiñeiros por cada centro participante.

Os centros asistentes son: CEIP Aguiño, CEIP Artes, CEIP Olveira, CEIP Plurilingüe de Carreira, CEIP O Grupo, CEIP Frións, CPR Galaxia, CPR Bayón, CPR Sagrado Corazón de Jesús, CPR La Milagrosa e, como todos os anos, tamén se contará coa presenza de 20 alumnos de Ambar xunto cos seus monitores e coidadores.




 

Posted via email from Certo.gl, o xornal dixital de Barbanza e Noia

No hay comentarios:

Twitter

Related Posts with Thumbnails Banner: Regale selva tropical