18.3.13

Sociedade: o prestixioso científico catalán José Baselga gana o II Premio de Investigación Oncolóxica Ramiro Carregal – Fundación La Rosaleda

  • Ramiro Carregal é o dono da empresa Frinsa, radicada en Ribeira, e colabora neste premio, de 15.000 euros, un dos maiores dotados neste ámbito
  • O xurado destacou a impresionante traxectoria do premiado e o seu labor no campo da oncoloxía clínica, o cal o levou a dirixir, entre outros, o Memorial Sloan-Kettering de New York, hospital de referencia mundial na loita contra o cancro
    
Ribeira- Santiago de Compostela, 18 de marzo de 2013.- O xurado do II Premio Internacional de Investigación Oncolóxica Ramiro Carregal–Fundación La Rosaleda, outorgou o galardón na súa segunda edición ao eminente científico José Baselga, un dos investigadores “máis relevantes do mundo”. Así o salientou o presidente executivo do xurado, o doutor Rafael López, tras coñecerse o nome do premiado, de quen se subliñou o seu gran labor no campo da oncoloxía clínica.

O xurado estivo composto por Juan Gestal Otero, catedrático de Saúde Pública e decano da Facultade de Medicina e Odontoloxía da Universidade de Santiago; Manuel Freire-Garabal, catedrático en Farmacoloxía da USC; Dr. Juan Jesús Cruz, presidente da Sociedad Española de Oncoloxía Médica (SEOM); Francisco González García, catedrático de Medicina e vicerrector de Investigación e Innovación da USC, así como o presidente de La Rosaleda, máis coñecido como ex presidente da Xunta, Gerardo Fernández Albor. O xurado estaba formado tamén polo presidente de honra, Ramiro Carregal, presidente de Frinsa e o presidente executivo Dr. Rafael López, xefe de servizo de Oncoloxía do Hospital Clínico Universitario de Santiago.

    A entrega do premio será nos vindeiros días nun acto solemne en Santiago, onde estará o premiado e personalidades do mundo científico, académico e social de todo o país. Xunto co cheque, José Baselga recibirá unha peza de artesanía galega creada en exclusiva para este premio.

   Se quere botarlle un ollo ao inabarcable curriculum de José Baselga, só ten que premer nesta ligazón da Wikipedia.

Posted via email from Certo.gl, o xornal dixital de Barbanza e Noia

No hay comentarios:

Twitter

Related Posts with Thumbnails Banner: Regale selva tropical